मैथिली अनुवादित आनंद मठ पुस्तक के विमोचन भेल

मैथिली भाषा साहित्य में शनिदिन एक और पुस्तक के नाम जुड़ गेल। मधुबनी के विनोदा नंद झा कॉलोनी निवासी प्रसिद्ध साहित्य सेवी आ लेखक डा. योगानंद सुधीर द्वारा बंगला के प्रसिद्ध व कालजयी बंकिमचंद्र चटोपाध्याय द्वारा लिखित उपन्यास आनंद मठ के मैथिली में अनुवाद क मां मैथिली के चरण में पुस्तक रूपी पुष्प समर्पित केलैनी।

डा. सुधीर के आवासीय परिसर में साहित्य साधाना स्थली, मधुबनी के तत्वावधान में साहित्य अकादमी पुरस्कार स सम्मानित उदय चंद्र झा विनोद, मोहन भारद्वाज, डा. भीम नाथ झा, डा. देवकांत झा सरीखे मैथिली साहित्य के पुरोधा पुरूष सहित अन्य के उपस्थिति में अहि पुस्तक के विमोचन भेल। वामदेव झा के अध्यक्षता आ डा. अमर नाथ झा के संचालन में सर्वप्रथम गंगाराम झा आगत विद्वान के स्वागत करैत डा. योगानंद सुधीर के लेखनी के बारे में विस्तार स जानकारी देलैनी। डा. सुधीर द्वारा पूर्व में लिखित अन्य पुस्तक के हवाला देत कहला कि ओ नित्य प्रतिदिन मैथिली साहित्य के भंडार बढ़ा में लागल छियाथ। जे मैथिलीे के लेल शुभ संकेत अछि। हुनका स प्रेरणा ल क युवा के लेखन के क्षेत्र में आगा ऐबाक चाही।

अहि अवसर पर रमानंद रमण, फूल चंद्र झा प्रवीण, रानी झा, रूद्र कांत पाठक, डा. नरेन्द्र नारायण सिंह निराला, प्रो. दमन कुमार झा, कुलधारी सिंह, बेचन झा, महादेव मिश्र, अरविंद कुमार सिंह, सुमन कुमार झा, कुंजन कुमार पुट्टी, पारस कुमार सिंह, कार्तिक कुमार सहित एक सौ स बेसी साहित्यानुरागी उपस्थित छला। धन्यवाद ज्ञापन लंबोदर झा केलैनी।

फोटो:- दैनिक जागरण